Skip to main content

بالعامية مشان افش خلقي :(

ما بعرف كيف بدي ابلش أو شو بالزبط رح احكي بس على قولت ويسبر بلشي احكي والحكي بطلع...
هلأ ما بعرف ليه في حدا ما بيعرفك كتير وعلاقته فيك مو قوية واصلا يمكن ما لتقيتوا غير كمن مرة بينعدوا على الأيد ممكن يحكي معك,يتصل فيك مشان يدخل بحياتك وينصحك لأ وينظر عليك وهو حياته كلها خربانه ومو زابطة... انوا اللي بيتو من قزاز ما يرمي الناس بحجار!!
لأ وفوق هاد كلوا لما يروح يحكي من وراك .. يحكي انوا انت كنت مشوش ومو عارف تاخد قرار وهو كان بحاول يساعد وبدل ما يصلح الأمور أو حتى يتركها على حالها بخربها يعني متل ما بقولوا بزيدوا الطين بله!!
انوا ليه؟؟
هلأ يمكن الحكي مبهم او مو كامل بس عنجد بس بدي افش خلقي .. أنوا ليه؟! شو بيستفيدوا هدول الناس؟! شو بالنسبه يعني مفكرين حالهم مسؤولين عن الكوكب؟!! انو ما حدا طلب رأيهم أو مساعدتهم !!

Comments

  1. فش احلى من الحكي لفشّة القلب
    الله يخليلنا المدونات يا رب :)


    في اكتر من سبب
    في ناس ما بشوفو مأساتهم و بس بحبو يبينو للعالم انهم مصلحين اجتماعيين
    زي اللي بتقعد نص ساعه تشكي من زوجها و تعامله السيء و تدعي على كل وحده بتتزوج و بأخر الحكي بتحكيلك...انتي ليه لهلأ ما تزوجتي :)


    وفي عالم اللي نفوسها مريضه بتكره تشوف غيرها مرتاح و مبسوط فبختارو موضوع قالقك و بصيرو يكبرو فيه يكبرو فيه لحتى يصير مشكله حقيقيه و همه بنسحبو فجأه و بصيرو يتفرجو من بعيد

    وما بننكر ان في ناس بتتصرف عن جهل تام و طيبة قلب هبله و فعلا بكونو بدهم مصلحتك و لكنهم بخربو الدنيا

    كأني كتّرت بالحكي :$

    مساكي و صباحك عنبر

    ReplyDelete
  2. ما هو بدك تعرفي انه هيك احنا بنحب التنظير سبحان اللي خاالقنا شو إنّا
    adorable!

    ReplyDelete
  3. هنااااااء؟!!!؟
    كأنك مش عايشه على الكوكب العربي؟
    طبعا بدهم يتدخلوا ويدحشوا حالهم بكل شي....ويلا أيش يا عمي؟ما في لهيك حالات الا تكتيك...ماشي ,ماشي,ان شاء الله ,,,

    ReplyDelete
  4. طبعا ً بدنا نتدخل! مهو عنا حلول سحرية لكل إشي و لازم نتدخل

    و غصب نشرك العالم كله و المجموعة الشمسية بأسرها بخبراتنا ال"عظيمة" !

    ReplyDelete
  5. Whisper:
    حكيك صح , انوا هدول اللي بتشكونوا من ازواجهم..الخ كتااااار بس انوا بيزيدوا الطين بلة مو لما يسألوكي لما تبعتلك سلفها عريس!! والله صارت معي .. ببقى احكيلكم القصه ليوم
    هلأ بالموقف هاد ما بعرف إذا هي مو شايفة مأساتها ولا ما بدها تشوف حدا مرتاح, عن طيبة قلب؟؟ انو ممكن هيك انا كنت مفكرة بس بعد الحكي اللي ممكن يحكى بضهرك ببطل في هاد الأحتمال

    Rain: entii aly adorable!!

    naysan:
    كنت متعوده على اللي بتدخلوا لأنهم بحبوكي بس اللي ما بتعرفيهم منيح!! جديده!!
    كنت متعوده انو حتى اللي بحبوكي بدخلوا للنصيحة بس ما بينشروا الأخبار اما طبعا الغريبين بينشروا ولاء ببهروا كمان!!
    نيسان شكلي كنت بعالم وردي !!

    Haitham: هو هاد بالزبط اللي حسيتوا انوا زي كأنوا عندهم حلول سحرية!!!! ونشرك العالم.. صح 100%

    شكرا لمروركم جميعا :)

    ReplyDelete
  6. هنا

    شو بك مو نحنا عرب
    بيهمنا أخبار بعض
    الرسول وصى على سابع جار
    تخيلي سابع جار من كل ناحية لبتك
    تخيلي كلهم بيفهموا وصية الرسول انه انتابع اخبار بعض..يعني كم واحد بيتابع اخبارك

    ReplyDelete
  7. عملية اسقاط مش اكثر

    باعتقادي امثال هؤلاء بعانو من عقدة نقص او مشاكل في حياتهم و بحبو انهم يشعروا انهم مهمين و ذو تأثير على الناس و بحبو انهم يبينو انهم احدثوا فرق في حياة الناس

    فشي غلك ولا يهمك على قولت ويسبر الله يخلي المدونات كان فقعنا

    ReplyDelete
  8. زينة: صادقة , بتعرفي هديك اليوم تعرفت على وحدة بحكم يعني انوا بنروح نفس الصالون وهيك فقعدنا نحكي , بعد ثلاث دقايق اكتشفت انها بتعرف عني كل شي بمعنى كلمة كل شي وكنت كتيييييييييير مصدومه لأنو أنا غير شكلها ما بعرف !!
    شكرا لتعليقك :)

    ReplyDelete
  9. w7l: thanx :) o ymkn 7kik sa7 b3d tfker homy b7bo y7so had al 27sas tb3 al t2ther :s

    ReplyDelete
  10. انا لا اعرف لا اكتب لا اتكلم !!!!!هيك كويس يعني
    طيب ازا ما نظرنا على بعض وعملنا حالين فهمانين على بعض على مين بدنا نتشاطر على الامريكان يعني
    ما همه عارفينا نحنا شو بس شاطرين نحكي وننظر بس
    يا هنا اسمعي من هون وطنشي من هون
    ما حد بيرد على حد وبيضلوا يضحكوا ويجاملوا بعض بالوجه
    خربانه عالاخر

    ReplyDelete
  11. مساء الخير

    هذه ضريبة ان تكون مُتميّزاً
    عندما تُصوب السهام عليك من الخلف
    فانت في المقدمة حتماً
    وعندما يُحاول الآخرون إظهارك بانك محتاج لنصائحهم فذلك يعني انهم يحسبون لك الف حساب والا لاكتفوا بالمرور دون حتى السؤال عنك

    دمتِ بخيّر

    ReplyDelete
  12. خلود : بحاول اسمع واطنش بس بيزعجوني لما اكون اعرف انه حياتهم خربانه وانهم لا فهمانين ولا شي ومع بتفزلكوا إلا ما تدايقي و اوقات كتر الزن على الدان ... فممكن يكون حكيهم بأثر علي لما يحكوا عني لغيري ..

    ReplyDelete
  13. صديقي يوسف: إذن هالشي بيعني اني مميزة؟
    شكراااا كتيييييييير :)
    بس ياريت لو بنلاقي دعم قد ما بنلاقي حكي و زن و اعتراضات ...الخ

    ReplyDelete

Post a Comment

Popular posts from this blog

ابن العم بنزل بنت العم عن الفرس

ابن العم بنزل بنت العم عن الفرس منذ زمن طويل وهذا المثل منتشر بين العرب ويرددونه بأستمرار ويطبقونه وكنت أعتقدت أن مثل هذه الأمور قد توقفت مع إنتشار العلم في مجتمعنا إلا أنه منذ مدة ليست بالقصيرة تقدم عريس لخطبة إحدى صديقاتي وكان مناسبا وأعجبها فأتفقوا وحددوا موعدا لقراءة الفاتحة إلا أنه قبل موعد قراءة الفاتحة بيوم جاء أبن عمها وقال بأنه يريدها فقام الأب المتعلم برفض العريس وتزويجها أبن عمها! وهي الفتاه المتعلمه الحاصلة على شهادة الماجستيرلم تتلفظ بأي كلمة ولم تعترض على هذه الطريقة الرجعية في التفكير! دهشت من تصرفهم لكنني أخبرت نفسي أنه ربما لايزال هناك 1% في المجتمع من هؤلاء الناس لكن بعد ذلك سمعت إحدى الفتيات وهي تقول أن في عائلتهم تقليد هو أنه إذا جاء أحد لخطبتها يجب على والدها أن يتصل بالعائلة الكريمة لا لأخذ رأيهم بالعريس بل لسؤالهم أن كان هناك أحد من أبنائهم يريد الزواج بأبنته قبل أن يزوجوها لغريب! وكأن من الخطأ تزويجها لغريب! وهكذا توالت القصص على مسمعي مما جعلني أفكر كيف لمثل عادة كانت موجودة بين العرب ربما من الجاهلية تستمر وتبقى تطبق إلى الان رغم تقدم العالم وإنتشار ال

العنف ضد المرأة ، إلى متى؟؟

كشفت الدراسات الأخيرة أن 60% من النساء في العالم العربي يتعرضن للعنف الجسدي أو المعنوي إن لم يكن كلاهما, و يبقى السؤال أو الأسئلة  ,  إلى متى سيبقى الأمر مجرد إحصائيات و دراسات حول مدى العنف الموجه للمرأة؟ إلى متى ستبقى القوانين بعيدة عن سن قوانين  حقيقية و مفعلة   ضد كل ذكر يتعرض لزوجته أو أبنته أو أي امرأة بالعنف ؟ إلى متى ستستمر النساء بالصمت على هذا العنف؟ و متى سنتخلص من الموروث الثقافي الرجعي الذي يتيح للرجل ضرب زوجته و إبنته  ؟   و يأمر المرأة بالصبر و التحمل؟! أولا على النساء معرفة أن العنف  هو كل فعل أو قول يقوم به الرجل إتجاهها يولد إذيتها الجسدية أو النفسية أو حتى إحتمالية إذيتها بمعنى إذا قام الرجل بإلقاء شئ  – كرسي أو غيره- على المرأة بقصد أذيتها فأن ذلك عنف و إن لم يصبها هذا الشئ ,  و يجب على المرأة إدراك أنها إنسانة و أن من حقها أن تحظى بالإحترام و التمتع بالكرامة  و إن كل ما في الموروث الثقاف ي العربي من  إعتقاد ب أن الرجل يحق له ضرب  و  تأديب الأنثى إن صدر منها  أمر لا يعجبه هو موروث ثقافي خاطئ و متخلف و يجب التخلص منه  , لذلك يجب علينا رفضه من جذوره و إن  كان ضد أفكار

التسامح و أثره على جمالك و طاقتك

التسامح و أثره على جمالك و طاقتك الخيانة, العنف و الكذب و غيرها من الأمور التي قد تكوني آُذيتِ منها مسبقا و يصعب عليك مسامحة الطرف المتسبب بأذيتك أو تنظرين للموضوع على أنهُ لا يستحق المسامحة إلا أنهُ من المهم معرفة أثر التسامح عليكِ حتى يصبح ممكناً و سهلا. 1.       التسامح يفيد القلب أكدت دراسة نُشرت في جريدة behavior medicine أن التسامح مرتبط بضغط الدم و عضلة القلب و التخلص من التوتر و بالتالي مسامحة من إذاك مفيد لقلبك وصحتك و طاقتك الإيجابية. 2.     عدم التسامح يولد طاقات سلبية كما الطاقات السلبية المتولدة من الحديث سلبي سيئة لمزاجك كذلك الطاقات السلبية من عدم المسامحة مضره لمزاجك و إيجابيتك كما أن هذا النوع من الطاقة السلبية يؤدي إلى اضطرابات النوم. 3.     التسامح يؤثر بالنفس كعمل خيري تطوعي في دراسة نُشرت في مجلة "الشخصية و علم النفس" أكدت أن الطاقة الإيجابية المتولدة من مسامحة من أذاك قوية مثل الطاقة الإيجابية من الأعمال الخيرية. 4.     التسامح يحسن علاقتك الزوجية عندما تشعرين بالغضب لأن أحدهم أذاكِ فأن ذلك الغضب ينعكس على تصرفاتك م