Welcome

YOU give my blog a value by sharing your thoughts :))

Sunday, September 11, 2011

العادات والتقاليد (الجزء الأول)


دق أبو محمد على صدره واخذ على عاتقه إرسال نفقة شهرية لعائلة أخيه المتوفى فكان يرسل من راتبه الوفير في الخليج ما يكفي لعائلتين واعتبره الجميع شخص عادل وقادر على معاملة عائلة أخيه كعائلته.
بعد أربعة أعوام نجحت ابنة أخيه بالثانوية العامة أو ما يطلق عليه بالأردن بالتوجيهي وحسب التنسيق العجيب لجامعاتنا كان حظها جامعة اليرموك لكن موافقة أبو محمد واجبة في هذه الحالة كونه الشخص المتكفل بدفع التكاليف وكان رده : " من متى بعاداتنا وتقاليدنا البنت بتسافر من عمان لأربد لحالها او تبيت هناك!! البنت ما بتنام إلا بحضن أمها!" وهكذا اكتفت الفتاة المسكينة التي كانت تريد خرق العادات والتقاليد بأخذ بعض الدورات هنا وهناك لكن داخل حدود عمان!
بعد أربعه أعوام أخرى نجحت ابنة أبو محمد في الثانوية العامة وقال :"بحسب العادات والتقاليد البنت لا تسافر إلا في حالتين الزواج أو طلب العلم!" وهكذا أرسل ابنته من الخليج إلى عمان لتدرس بالجامعة وتكون بعيده عن حضن أمها
وبين هذا وذاك أين العادات والتقاليد؟ وما هي في الأصل ؟وما لصدق والكذب؟؟
هناء احجول



12 comments:

  1. هناء
    مساء الخير
    بعيدا عن العادات والتقاليد هو قام بواجبه الاخلاقي تجاه بنت اخيه في المدرسة وعندما اصبح الموضوع اكثر كلفة في ذهابها الى الجامعة لم يكن مباشرا ويعتذر للاسباب المادية ....ووضع شماعة العادات والتقاليد هروبا من التزامه المادي بتعليم ابنة اخيه
    اكيد حين يتعلق الموضوع بابنته هو ليس بحاجة لفتوى ولكنه اراد تبرير ذلك فوقع في الخطأ مرة ثانية
    كان من السهل عليه ان يقول من البداية انا قمت بواجبي ومسؤولياتي لحد هون ولن اقدر اكثر من ذلك وكان ممكن ان تتفهم العائلة مبرراته واسبابه دون اللجوء الى الاختباء خلف العادات والتقاليد

    دمتِ بخير

    ReplyDelete
  2. صديقي يوسف : اول شي شكرا كتير على مرورك
    تاني شي انا بس قصدي ابين شغلة صغيرة انوا الناس بتدور على العادات والتقاليد اللي بتناسبهم في الوقت الراهن ورح اكتب كمان كمن شغلة تبين شو قصدي انشاللة او زي ما انت حكيت كيف بيرموا كل شي على العادات والتقاليد ويمكن مشان هيك بطلنا نعرف شو العادات والتقاليد عنجد!!

    هلأ بالنسبة للقصة رغم انوا مبررك منطقي ومقنع

    لكن هو شخص مقتدر ماديا زي ما حكيت فوق وبالأخير الله اعلم ومو هدفي انوا الوموا كشخص انما انتقد شماعة العادات والتقاليد

    دمت بخير :)

    ReplyDelete
  3. العادات والتقاليد تتغير مع الوقت واختلاف الزمان....ولكن بالتأكيد اكثر ما يساهم في تغييرها هي مصلحتنا فأن كانت متعبه ومكلفه فممكن تجاوزها او تعديلها بحجة التطور والتحضّر...وان كانت في مصلحتنا وتخدمنا ...فالويل لمن تعداها او تجاوزها وقصّر فيها.

    هذه هي المعايير المزدوجه التي تحكمنا ومش قادرين نتخلص منها.

    بالمناسبه
    صباح الفل...اشتقنالك
    وعدتينا تكتبي قصص ومواقف من الشغل وخلافه وهربتي:) وينك؟

    ReplyDelete
  4. ما حدا بيعامل بنت الناس زي بنتو ما حدش يضحك عحالو



    كيفك هناء
    :)

    ReplyDelete
  5. نيسان : صباحك ورد وفل وياسمين :) انا تمام انت كيفك؟؟
    ما هربت بس ما عم بشبك كتير على البلوج لأنو صعب اتعامل معا على الايفون وما عم يصحلي اشبك من الاب توب كتير لاني بروح هلكانة من الشغل
    بس قريبا انشالله مو ناسيه :)


    rain: اكيد بس كمان استخدام العادات والتقاليد شماعة بتخرب الدنيا
    انا تمام الحمدالله انت كيفك؟ كيف الشغل؟

    ReplyDelete
  6. صباح الخير

    عادي , بنفصّل العادات زي ما بدنا
    وبنفصّل الدين بحيث انه يمشّي امورنا

    وبندور على الثغرات القانونية بأي قانون عشان نعرف ندبّر حالنا

    وعلى قولة والدتي : دواير ودايرة

    ReplyDelete
  7. lunar بالزبط هاد اللي قصدي احكي عنو :)
    شكرا لمرورك نورتيني :)

    ReplyDelete
  8. كلامك صحيح هيك الناس متناقضة

    ReplyDelete
  9. ممكن يكون عمل هيك بدافع الغرور او الغيرة من انها تكون احسن من بنته, و احتمال يكون في نق نسوان في الموضوع (مع احترامي)

    في هادا الموقف العادات و التقاليد شماعة اللي ما بدو يكمل معروفه لاسباب شخصية نابعة من نية غالبا ما بتكون صافية

    شكرا موضوعك واقعي جدا

    تحياتي

    ReplyDelete
  10. sawa7 : maybe kolshi momken :))))) thanx for being here & sharing your opinion :)))))))))))))

    ReplyDelete