Skip to main content

العادات والتقاليد (الجزء الأول)


دق أبو محمد على صدره واخذ على عاتقه إرسال نفقة شهرية لعائلة أخيه المتوفى فكان يرسل من راتبه الوفير في الخليج ما يكفي لعائلتين واعتبره الجميع شخص عادل وقادر على معاملة عائلة أخيه كعائلته.
بعد أربعة أعوام نجحت ابنة أخيه بالثانوية العامة أو ما يطلق عليه بالأردن بالتوجيهي وحسب التنسيق العجيب لجامعاتنا كان حظها جامعة اليرموك لكن موافقة أبو محمد واجبة في هذه الحالة كونه الشخص المتكفل بدفع التكاليف وكان رده : " من متى بعاداتنا وتقاليدنا البنت بتسافر من عمان لأربد لحالها او تبيت هناك!! البنت ما بتنام إلا بحضن أمها!" وهكذا اكتفت الفتاة المسكينة التي كانت تريد خرق العادات والتقاليد بأخذ بعض الدورات هنا وهناك لكن داخل حدود عمان!
بعد أربعه أعوام أخرى نجحت ابنة أبو محمد في الثانوية العامة وقال :"بحسب العادات والتقاليد البنت لا تسافر إلا في حالتين الزواج أو طلب العلم!" وهكذا أرسل ابنته من الخليج إلى عمان لتدرس بالجامعة وتكون بعيده عن حضن أمها
وبين هذا وذاك أين العادات والتقاليد؟ وما هي في الأصل ؟وما لصدق والكذب؟؟
هناء احجول
Labels:

Comments

  1. yosefSeptember 11, 2011 at 10:18 AM

    هناء
    مساء الخير
    بعيدا عن العادات والتقاليد هو قام بواجبه الاخلاقي تجاه بنت اخيه في المدرسة وعندما اصبح الموضوع اكثر كلفة في ذهابها الى الجامعة لم يكن مباشرا ويعتذر للاسباب المادية ....ووضع شماعة العادات والتقاليد هروبا من التزامه المادي بتعليم ابنة اخيه
    اكيد حين يتعلق الموضوع بابنته هو ليس بحاجة لفتوى ولكنه اراد تبرير ذلك فوقع في الخطأ مرة ثانية
    كان من السهل عليه ان يقول من البداية انا قمت بواجبي ومسؤولياتي لحد هون ولن اقدر اكثر من ذلك وكان ممكن ان تتفهم العائلة مبرراته واسبابه دون اللجوء الى الاختباء خلف العادات والتقاليد

    دمتِ بخير

    ReplyDelete
  2. hanaSeptember 11, 2011 at 12:43 PM

    صديقي يوسف : اول شي شكرا كتير على مرورك
    تاني شي انا بس قصدي ابين شغلة صغيرة انوا الناس بتدور على العادات والتقاليد اللي بتناسبهم في الوقت الراهن ورح اكتب كمان كمن شغلة تبين شو قصدي انشاللة او زي ما انت حكيت كيف بيرموا كل شي على العادات والتقاليد ويمكن مشان هيك بطلنا نعرف شو العادات والتقاليد عنجد!!

    هلأ بالنسبة للقصة رغم انوا مبررك منطقي ومقنع

    لكن هو شخص مقتدر ماديا زي ما حكيت فوق وبالأخير الله اعلم ومو هدفي انوا الوموا كشخص انما انتقد شماعة العادات والتقاليد

    دمت بخير :)

    ReplyDelete
  3. نيسآانSeptember 12, 2011 at 1:35 AM

    العادات والتقاليد تتغير مع الوقت واختلاف الزمان....ولكن بالتأكيد اكثر ما يساهم في تغييرها هي مصلحتنا فأن كانت متعبه ومكلفه فممكن تجاوزها او تعديلها بحجة التطور والتحضّر...وان كانت في مصلحتنا وتخدمنا ...فالويل لمن تعداها او تجاوزها وقصّر فيها.

    هذه هي المعايير المزدوجه التي تحكمنا ومش قادرين نتخلص منها.

    بالمناسبه
    صباح الفل...اشتقنالك
    وعدتينا تكتبي قصص ومواقف من الشغل وخلافه وهربتي:) وينك؟

    ReplyDelete
  4. RainSeptember 12, 2011 at 11:57 AM

    ما حدا بيعامل بنت الناس زي بنتو ما حدش يضحك عحالو



    كيفك هناء
    :)

    ReplyDelete
  5. hanaSeptember 12, 2011 at 9:12 PM

    نيسان : صباحك ورد وفل وياسمين :) انا تمام انت كيفك؟؟
    ما هربت بس ما عم بشبك كتير على البلوج لأنو صعب اتعامل معا على الايفون وما عم يصحلي اشبك من الاب توب كتير لاني بروح هلكانة من الشغل
    بس قريبا انشالله مو ناسيه :)


    rain: اكيد بس كمان استخدام العادات والتقاليد شماعة بتخرب الدنيا
    انا تمام الحمدالله انت كيفك؟ كيف الشغل؟

    ReplyDelete
  6. Moh'd Jarrar.September 12, 2011 at 9:14 PM

    صباح الخير

    عادي , بنفصّل العادات زي ما بدنا
    وبنفصّل الدين بحيث انه يمشّي امورنا

    وبندور على الثغرات القانونية بأي قانون عشان نعرف ندبّر حالنا

    وعلى قولة والدتي : دواير ودايرة

    ReplyDelete
  7. hanaSeptember 13, 2011 at 6:19 AM

    lunar بالزبط هاد اللي قصدي احكي عنو :)
    شكرا لمرورك نورتيني :)

    ReplyDelete
  8. AnonymousSeptember 23, 2011 at 12:13 PM

    كلامك صحيح هيك الناس متناقضة

    ReplyDelete
  9. AnonymousSeptember 23, 2011 at 12:51 PM

    nice

    ReplyDelete
  10. hanaSeptember 27, 2011 at 1:54 PM

    thaaaaanx :)

    ReplyDelete
  11. SAWA7May 12, 2012 at 11:56 AM

    ممكن يكون عمل هيك بدافع الغرور او الغيرة من انها تكون احسن من بنته, و احتمال يكون في نق نسوان في الموضوع (مع احترامي)

    في هادا الموقف العادات و التقاليد شماعة اللي ما بدو يكمل معروفه لاسباب شخصية نابعة من نية غالبا ما بتكون صافية

    شكرا موضوعك واقعي جدا

    تحياتي

    ReplyDelete
  12. hanaMay 20, 2012 at 4:49 PM

    sawa7 : maybe kolshi momken :))))) thanx for being here & sharing your opinion :)))))))))))))

    ReplyDelete

Post a Comment

Popular posts from this blog

ابن العم بنزل بنت العم عن الفرس

ابن العم بنزل بنت العم عن الفرس منذ زمن طويل وهذا المثل منتشر بين العرب ويرددونه بأستمرار ويطبقونه وكنت أعتقدت أن مثل هذه الأمور قد توقفت مع إنتشار العلم في مجتمعنا إلا أنه منذ مدة ليست بالقصيرة تقدم عريس لخطبة إحدى صديقاتي وكان مناسبا وأعجبها فأتفقوا وحددوا موعدا لقراءة الفاتحة إلا أنه قبل موعد قراءة الفاتحة بيوم جاء أبن عمها وقال بأنه يريدها فقام الأب المتعلم برفض العريس وتزويجها أبن عمها! وهي الفتاه المتعلمه الحاصلة على شهادة الماجستيرلم تتلفظ بأي كلمة ولم تعترض على هذه الطريقة الرجعية في التفكير! دهشت من تصرفهم لكنني أخبرت نفسي أنه ربما لايزال هناك 1% في المجتمع من هؤلاء الناس لكن بعد ذلك سمعت إحدى الفتيات وهي تقول أن في عائلتهم تقليد هو أنه إذا جاء أحد لخطبتها يجب على والدها أن يتصل بالعائلة الكريمة لا لأخذ رأيهم بالعريس بل لسؤالهم أن كان هناك أحد من أبنائهم يريد الزواج بأبنته قبل أن يزوجوها لغريب! وكأن من الخطأ تزويجها لغريب! وهكذا توالت القصص على مسمعي مما جعلني أفكر كيف لمثل عادة كانت موجودة بين العرب ربما من الجاهلية تستمر وتبقى تطبق إلى الان رغم تقدم العالم وإنتشار ال...
1 comment
Read more

بالعامية مشان افش خلقي :(

ما بعرف كيف بدي ابلش أو شو بالزبط رح احكي بس على قولت ويسبر بلشي احكي والحكي بطلع... هلأ ما بعرف ليه في حدا ما بيعرفك كتير وعلاقته فيك مو قوية واصلا يمكن ما لتقيتوا غير كمن مرة بينعدوا على الأيد ممكن يحكي معك,يتصل فيك مشان يدخل بحياتك وينصحك لأ وينظر عليك وهو حياته كلها خربانه ومو زابطة... انوا اللي بيتو من قزاز ما يرمي الناس بحجار!! لأ وفوق هاد كلوا لما يروح يحكي من وراك .. يحكي انوا انت كنت مشوش ومو عارف تاخد قرار وهو كان بحاول يساعد وبدل ما يصلح الأمور أو حتى يتركها على حالها بخربها يعني متل ما بقولوا بزيدوا الطين بله!! انوا ليه؟؟ هلأ يمكن الحكي مبهم او مو كامل بس عنجد بس بدي افش خلقي .. أنوا ليه؟! شو بيستفيدوا هدول الناس؟! شو بالنسبه يعني مفكرين حالهم مسؤولين عن الكوكب؟!! انو ما حدا طلب رأيهم أو مساعدتهم !!
13 comments
Read more

حياتك لا تتحسن بالحظ بل بالاختيار

بدون سبب أو دافع لن يتغير كثير من الأمور في حياتك, لذلك ننصحك للجوء للقراءة للحصول على الإلهام, القراءة جزء مهم من حياة أي إنسان مثقف و لها تأثير كبير على أفكارنا و معتقداتنا, لذلك بالتأكيد لها دور في تنمية الطاقة بشكل إيجابي أو سلبي, كما لها فوائد أخرى : 1.        تزيد الذكاء في دراسة أجرتها آن كننغهام أكدت أن القراءة تزيد الذكاء بغض النظر عما تدرس أو بماذا تريد التخصص , و هي دائما الطريق الصحيح للوصول إلى أهدافك. 2.        تخلصك من التوتر و تزيد الهدوء عندما تقرأين كتاب , يرحل عقلك إلى مكان آخر و يصبح تفكيرك حول الأفكار المطروحة في الكتاب , و تتوقفين عن التفكير في الأمور التي توترك مما يزيد سلامك الداخلي و بالتالي يزيد طاقتك الإيجابية. 3.        ينمي التفكير التحليلي أثبتت كننغهام أن القراءة تقوي التفكير التحليلي لأن جميع الكتب تستخدم التحليل لكن بنسب متفاوتة . 4.         تحديد الأهداف القراءة تساعدك على أكتشاف نفسك و طموحاتك و أهد...
1 comment
Read more