Welcome

YOU give my blog a value by sharing your thoughts :))

Sunday, May 8, 2011

just Muslims go to heaven?!! i share what i think - share ur opinion



المسلمين فقط يذهبون إلى الجنة؟؟
في كثير من الجلسات يذهب الحديث بقدرة قادر إلى الحديث الديني و كنت دائما ما اسمع العبارات التي تقول أن  الشخص إن لم يكن مسلم لن يذهب الى الجنة .. ان لم يشهد ان لا إله إلا الله محمد رسول اللة لن يذهب إلى الجنة .. ودائما كنت أعترض .. فديننا دين تسامح .. يقوم على التسامح والرحمة فكيف يقتنع المسلمون أن الله العدل العادل سيظلم الناس يوم القيامة ...
نعم ظلم .. لأنه عند الأيمان ان المسلمين فقط سيذهبون إلى الجنة يترتب التالي : شخص مسيحي يصلي دائما ويعمل الخير ويدعو الله ويصوم ويساعد المحتاجين سيذهب النار وشخص مسلم قد يكون لا يصلي ولا يصوم ويشرب الكحول سيذهب إلى الجنة في النهاية أي بعد العذاب المستحق على ذنوبه (حسب الأقوال الشائعة) ... هل في ذلك عدل؟؟ إذا نحن ننفى عن الله صفة العدل عندما نؤمن بأننا فقط من سيذهب إلى الجنة ..
الأغلب يرد على هذا بأن الله اخبرنا بذلك في القران الكريم عندما تحدث عن الكفار او حتى المشركين ومرة أخرى أنا اعترض لأن الله ذكر المسيحيين واليهود على أنهم أهل كتاب لا على أنهم كفار أو مشركين!! وهناك فرق كبير بين أهل الكتاب والمشركين و الكفار !! كما أننا إذا فتحنا القران على سورة البقرة وتحديدا أية 113 سنجد أن الله يخبرنا كيف أن هنالك بعض النصارى الذين يدعون أنهم فقط على صواب وسيدخلون الجنة واليهود يقولون ذلك ايضا ثم يخبرنا ان هناك أناس لا يعلمون (من المسلمين) يقولون مثل قولهم ويختم الله الآية بأن الله يحكم بينهم فيما اختلفوا فيه!! أليس ذلك دليل كافي على ان يتوقف بعض المسلمين الجهال من اطلاق الأحكام على الديانات الأخرى؟!!
ثم كيف يتوقع (هذه الفئة من المسلمين) نصرة الإسلام وهو ينشرون في كل مكان مثل هذه الأقاويل التي تدعي أن الإسلام غير متسامح أو عدل إذ انه يحكم على الآخرين ويرسلهم إلى النار؟!
لماذا تمسك هذه الفئة بخيط صغير لتثبت ان غير المسلمين سيذهبون إلى النار بدل الأمساك بمجموعة الخيوط التي تتحدث عن تسامح ديننا و جماله وعفوه؟! لماذا يصرون على جعل ديننا يظهر بمظهر مخيف للناس عندما يتحدثون فقط عن الجهاد ليصبح العالم لا يرى في ديننا إلا ذلك؟! رغم ان الدين عندما نزل على الرسول صلى الله عليه وسلم استمر 13 عاما قبل أن يبدأ الجهاد وهذا دليل على ان في ديننا أشياء أكثر وأعمق من الجهاد .. لذلك كله سأكون سعيدة جدا ان بدأنا من أنفسنا أولا بالترويج لديننا بطريقة صحيحة وجميلة لأنه دين جميل في الأساس .. سأكون سعيدة أن توقفنا عن إطلاق الأحكام على الأديان الأخرى لأننا لا نساعد بهذه الطريقة إلى دعوة الناس للإسلام .. لا نساعدهم ليصيبهم داء الفضول فيبحثون عن تفاصيل ديننا ..
في النهاية أحب أن اسمع تعليقاتكم
J
هناء احجول
على الهامش: بالتأكيد أنا لست داعية 

25 comments:

  1. انا بحترم كل البشر و بحترم معتقداتهم و بقبلهم بطريقة تفكيرهم ولكن اذا بدنا نحكي بجنّة ونار فالموضوع غير, في اشياء غيبيات و احنا ما بنقدر نكون الحكم فيها و كلها علمها عند الله


    ولكن

    احنا عنّا نهج واضح و ببين الطريق الصحيح

    عنّا قرأن و سنة بتبين شو الصح و شو الغلط

    في نصارى و في يهود راح يدخلو الجنه والله اعلم اللي كانو مؤمنين بالرسول اللي نزل عليهم بوقتها و تبّعو رسالته واللي هي وحده بجميع الكتب السماويه...توحيد الله سبحانه و تعالى, ولكن بعدها في رسول جديد نزل و هو خاتم الانبياء و الجميع لازم يلتف حول رايته

    خليني بس احكي حاليا بجزئية التوحيد
    آله واحد ليس له ثاني و ليس له ولد
    اي اعتقاد غير هالشي بطلعك من دائرة المؤمنين و بالتالي من الجنة

    العمل الصالح اله اجره ولكن في اساسيات بدها تكون و بعدين بتتحاسب باعمالك, عقاب و ثواب ولكن الاساس لازم يكون موجود

    يعني مثلا شخص قمّه الاخلاق و بساعد الناس و ما بكذب و مثقف و مفكر و قدّم للعالم شيء كتير حلو و اله انجازاته اللي عملها بحياته انا بحترمه و لكن انه يعبد الشمس او البقره مثلا هاد انا بقدر احكي انه ما حيدخل الجنّة والله اعلم


    و اختصارا لكل اللي كتبته

    " وَمَنْ يَبْتَغِ غَيْرَ الإِسْلامِ دِينًا فَلَنْ يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ" (آل عمران 85)

    ReplyDelete
  2. سأكون سعيدة أن توقفنا عن إطلاق الأحكام على الأديان الأخرى لأننا لا نساعد بهذه الطريقة إلى دعوة الناس للإسلام .. لا نساعدهم ليصيبهم داء الفضول فيبحثون عن تفاصيل ديننا ..
    هناء

    سأكون سعيده انا ايضاً لو الجميع فكر بهذه الطريقه يا هناء بدلاً من اطلاق الاحكام....لندع الاحكام للحكم ....رب العالمين

    ReplyDelete
  3. naysan : شكراااا كتييييير انا سعيدة انك بتشاركيني الرأي

    ReplyDelete
  4. whisper:
    انا ما عم بحكي عن اللي بيعبدوا البقرة أو النار او ... الخ ومشان هيك انا قولت فوق انوا في فرق بين اهل الكتاب والمشركين والكفار وبالتالي انا ما حكيت انوا الكفار رح يروحوا الجنة انا بس عم بحكي عن الناس اللي بيطلقوا الأحكام على أهل الكتاب وبيحكو انهم رح يروحوا على النار وبينشروا هاد الحكي وين ما كان!!
    اعتراضي يكمن بالتالي : انو كمسلمين من واجبنا الدعوة لديننا وان كان مو بطريقة الدعوة المعروفة للناس بمعنى انو تصرفاتنا تعتبر دعوة وبالتالي الأفكار اللي بننشرها عن الدين عبارة عن دعوة وبناء عليه احنا لازم ننشر معلومات صحيحة .
    حكيك صح انوا الله واحد احد لكن اهل الكتاب بيأمنوا انو الله واحد وهاد الشي اللي اغلب الناس ما بعرفوا .. يعني الله عند اليهود واحد وعند المسيحية فكرة الثالوث لا تنفي وحدة الرب وهاد موضوع شرحو يطول لكن إذا قرأتي اللاهوت رح تعرفي هاد الشي وبناء عليهما بسير نحكم عليهم وكمااااااااااااان القصة أنو كيف بدنا الناس يسير عندهم فضول انهم يدوروا بديننا ؟؟ لازم نعطي افكار وشغلات حسنة تخليهم يدوروا بتفاصيل الدين بلكي انهدوا
    وبالأخير ما حدا بعرف الغيب ولا حدا بعرف كيف رح يكون الحساب يوم القيامة فمن جهة في اية بتقول ما منكم إلا واردها بمعنى الكل رح يمرق على النار ومن جهة اخرى الله غفور رحيم فاللي عم بحاول احكي هون بلا ما نضل نحط حالنا بمرتبة الرب ونطلق احكام دينية غيبية على باقي الخلق وباقي الديانات شو ما كانت من باب فتح المجال للناس لرؤية محاسن الدين الاسلامي وبالنسبة الي انا بعتبر هاد واجب على كل مسلم .
    اخيرا عندي سؤال الك : شو اكتر تسامح الدين المسيحي ولا الدين الأسلامي ؟ ولية؟ بس تجاوبيني بحكيلك ليةبسأل :)

    ReplyDelete
  5. انا معك و تماما ان تصرفاتنا و طريقة تعاملنا مع الناس هي خير وسيلة ليعرفو عن الاسلام, وكتير في قصص عن ناس دخلو الاسلام بس من ورا تصرفات ناس مسلمين بعرفوهم

    مع ان للاسف في الها اثار سلبيه لمّا ناس ما بطبقو الدين صح و بعكسو صورة مش صحيحه, ولكن هدول قلّة و بمثلو انفسهم مش اكثر


    هلأ لا انا بسمح لحالي او بسمح لاي انسان يمسك اي شخص و يصير ينظّر عليه بالدين
    انو انت عالنار و انت عالجنه

    اني اروح لاي شخص من اهل الكتاب و اصنفه هيك طبعا مرفوض و لكن من باب رد على موضوعك انا بحكيلك
    و اللي بعرفه ان جزء كبير من النصرانيين بعتبرو ان عيسى عليه السلام هو الله غير اللي بحكو عنه ابن الله

    وناس اساسا مش فاهمين شو يعني الثالوث و لشو برمز

    http://www.youtube.com/watch?v=ZMsRNHSbVpc


    و برضه لا يمكن اناقش بموضوع انا ما بعرف فيه 100%

    انا ما قرأت اللاهوت ولا قرأت الانجيل وما قرأت اي كتاب سماوي غير القرأن الكريم
    فما بقدر اناقش باي مقارنه مدام ما بعرف بشو بقارن

    بعرف ان دينا بحث على التسامح و ربنا وعد بالاجر العظيم يوم القيامة للانسان المتسامح و اللي بسامح


    { وما خلقنا السموات والأرض وما بينهما إلا بالحق وإن الساعة لآتية فاصفح الصفح الجميل }


    { والكاظمين الغيظ والعافين عن الناس والله يحب المحسنين }


    { وليعفوا وليصفحوا ألا تحبون أن يغفر الله لكم }

    عن الرسول صلى الله عليه و سلم قال "ما نقصت صدقة من مال ، وما زاد الله عبدا بعفو إلا عزا ، وما تواضع عبد لله إلا رفعه الله"

    وبس :)

    ReplyDelete
  6. السلام عليكم
    أختي الكريمة الموضوع أكبر من إنه نحن البشر نعطي رأينا فيه ، فالأمر لله رب العالمين ومن هنا لازم نرجع للقرآن الكريم و الرسول صلى الله عليه و سلم

    و ويسبير الله يجزيها الخير اختصرت علينا و جابت آية كريمة هي حكم الله عزوجل و من هنا وجب علينا الإيمان بذلك

    و لكن معلومة و العلم عند الله رح تفيدنا بموضوعنا حديث في صحيح مسلم على الرابط التالي http://goo.gl/Hvxo7

    إن شاء تقتنعي
    و اقبل كل احترامي إلك

    ReplyDelete
  7. الإسلام دين رحمة للعالمين
    فمن لم يؤمن بمحمد صلى الله عليه وسلم
    فهو في جهنم وبئس المصير
    الموضوع أمر رباني بالإتباع
    واحنا عبيد لله
    نقول كما علمنا الله
    (سمعنا واطعنا غفرانك ربنا وإليك المصير)
    نعم
    نجادلهم بالتي هي أحسن
    ندعوهم بالحكمة والموعضة الحسنة
    نتعايش معهم بخلق حسن
    نعاملهم كما أمرنا الله و رسوله صلى الله عليه وسلم
    فلا نتبع الهوا فنصبح كالذين يحسبون أنهم يحسنون صنعاً
    لن تشفع لمحسنهم محاسنه ما دام لم يخضع لخالقه
    أرجوا منك أن تراجعي كتب الحديث والسنة والتفسير
    فهنالك ستجدين أجوبة شافية كافية تريحك من كثرة التفكير التي سترهقك بلا طائل سوى الوقوع في فخاخ ما نريد نحن لتبعدنا عن جادة الحق التي لا تخفى على باحث

    آسف إن كان فيما أطلت سوء توصيل
    لكن الدين النصيحة

    أجدني أخاف عليك من كلمة فلا تنطقيها
    إلا
    بعد جهد وتتبع ينير لك الدرب
    فالكلمة عظيمة
    فهي إما منجية
    أو مهلكة

    لك مني محبة في الله

    ReplyDelete
  8. مرحبا هنا :)
    جرأة كثير في الموضوع لكن رح اعطيكي الاجابه اللي من الممكن تشفي غليلك !
    اولا الجنه والنار هو امر بيد الله لا احد يعلم من سيدخلها ومن لا يحظى بريحها سواء كان مسلم او غير
    ثانيا لا اعلم ان كنت قد قرأت عن الصحابه وخوفهم من يوم الحساب وهم من بشرهم النبي عليه الصلاة والسلام بالجنه والخوف من مكر الله والله خير الماكرين فالكلمه التي اريد ان اقولها كل يحاسب على نيته وهي اصل العمل
    المشكله في هؤلاء المناقشين لا يفهمون ان الجنه لها رحله كبيره وعمل اكبر فدخول الجنه سواء للسلم وغير المسلم غير مضمون كله يضمنه عملك وعلمك !
    وللمعلومه ان الاسلام جاء ليجب كل الديانات ولكن لا يجوز ان نتكلم بسوء على الديانات الاخرى وعلينا احترام الديانات حتى يحترموا ديانتنا ولا يشتموا الله ففي كل الاحوال النقاش في مثل هذه المواضيع غير مجدي وانا ادعوكي لتفاديه لان منفر لا اكثر ولا اقل ان كنت تريد الهدايه لاحد فاعمل بعملك وبخلقك ومن ثم النقاش في مواضيع تتعلق في دينك وليس دين الاخرين الديانه امر مقدس ولا يجب المساس به ولا اظن ان الديانه يجب ان تدخل في الكلام العادي ويجب ان تكون امر مغيب الا اذا سأل عنها !

    ReplyDelete
  9. whisper:
    هاد اللي كنت بدي اسمعوا انوا ديننا في تسامح اكثر وبالتالي لية ما بنركز على هاد الشي ؟
    اوبرا وينفري عملت مدينة بجنوب افريفيا دخل عن طريق هاي المدينة الاف الناس في المسيحية اولا لانو اللي وفرتلهم اللي بدهم اياه مسيحية وثانيا لانو الدروس التبشيرية اللي كانت تنعطى كلها بتحكي عن حب الله الهم والتسامح والعفو و.. و.. و
    فالسؤال اللي خلاني اكتب اللي كتبتة انو ديننا اجمل وبالمناسبة اسهل كمان فلية ما ننشر هاد الشي؟؟ بدل ما نضل ننشر العذاب بس

    هلأ على قصة الثالوث : في الكتاب المقدس العهد الجديد (الله ثالث ثلاث لكن هاد لا ينفي الوحدة ) رح اسهلك اياها جيبي قطعت عجين وحدة واقسميها ثلاث اقسام .. نظريا هم صاروا ثلث اقسام فعليا هم شي واحد من حيث التكوين والصفات .. الخ هاي تشبية بسيط لفكرة الثالوث فالله عندهم في ثلاث لكن الثلاث واحد وعلى كلا هاد احد اسباب انو اللاهوت الفلسفي ما نجح كتير لعدم قدرتة على توصيل فكرة انوا الله ثالث ثلاث وبعدين الله واحد ... المهم مو موضوعنا بس المهم انهم اهل كتاب

    و انا هون بالشي اللي كتبته ما بنفي انو الاسلام هو الدين الصح و ما بجزم انه اصحاب الديانات الاخرى رح يفوتوا معنا على الجنة كل اللي بحاول احكي انو إطلاق الأحكام غير واردة عنا بالدين وهي ليست للبشر
    فدعو الحكم للحاكم او دعو الخلق للخالق
    وبس بدي اعطيكي قصة لية انا هيك بحكي
    في بنت مسيحية وبدها تسلم وامها ماتت السنة الماضية وهي بتدور على النت او شي لقتوا عذاب القبر الشديد وبعدين عذاب النار وبعدين انو المسيحين ما رح يفوتوا الجنة
    الشي اللي رح يتكون عندها انوا شو هاد الدين اللي بس بحرم كذا وكذا وبخوفنا من كذا وكذا وبينها وبين حالها رح تكون خايفة تفوت دين وتأمن في وهاد الدين بحكي انو امها رح تروح النار لأنها بضل امها فرح تهرب
    واكبر مثال او دليل على انو الناس بحبو يشوفو ويسمعوا الخيرات او الترغيب قبل الترهيب هو قدى في ناس حبو خواطر اول ما طلع وبعدين صارو يحضروا لو كان بيننا لأنه احمد الشقيري - الله يسعدو- لفت نظرهم لنقاط كتير فيها امل

    ما بعرف اذا حكي مقنع او لأ؟ ؟؟

    ReplyDelete
  10. alirbidi:
    اهلا فيك :) انا ما قلت انو الموضوع مو اكبر منا ومشان هيك انا بطلب من اللي عم يقرأو هاد الشي (اذا اقتنعوا ) انهم ما يحكموا على الناس وما يقولوا انه بس احنا رح نروح الجنة والباقي كلو على النار ... الخ لأنو الموضوع اكبر منا ومو بأيدنا .. دعو الحكم للحاكم او الخلق للخالق

    واذا رجعنا للقران الايات كتيرة اللي بتحكي انوا ما تحكمو على حدا وانو مو انتو اللي بتحددوا مين اللي بروح الجنة ومين اللي بروح النار إلى جانب الايات اللي بتقول انو الاسلام هو الدين الصح ولن يقبل منكم غير الاسلام دينا و و و .. الخ
    الأيات اللي بتنص على انو دينا الصح وديننا اللي رح يدخلنا الجنة لا تنفي الايات اللي الله بطلب منا انا ما نحكم على الناس وما نطلق احكام على الجنة والنار

    انا مو داعية اكييييييييييييييد وما عم بحاول انشر فكر معين بس بحاول اشوف اذا العينة اللي شفنها حولي هي عينة منتشرة بالعالم الاسلامي العربي او لا
    والقصة بالنهاية مو قصة مين يقنع مين فالدين علاقة مع الله وبالأخير كل واحد بحدد بينو وبين نفسوا هو بشو يعتقد

    احترامي :)

    ReplyDelete
  11. غريب : اهلا وسهلا فيك :)
    صراحة انا ما عم بحكم على حد و زي ما حكيت قبل بأحد التعليقات هناك ايات كثير تقول ان الدين الأسلامي صحيح ولن يقبل من الناس اي دين غيره و .. الخ لـــــــكـــــــن في المقابل هناك ايات كبيرة تطلب منا اننا لا نحكم على احد بأنة داخل للنار لأن هذا الحكم لله عزوجل وحده وهناك احاديث تحرف اتهام احد بالكفر او انه سيذهب إلى النار اذا انا ما جبت هاد الحكي من راسي هاد الحكي بديننا انوا ما بسي نحكم على حدا وبالتالي لما نحنا بنخالف ديننا و نسير نطلق الأحكام و و و بنمنع الناس من انهم يصيبهم داء الفضول ويدوروا في الأسلام
    والله يهدينا ويهديكم ويهدي جميع المسلمين
    تحياتي :)

    ReplyDelete
  12. sozan :)
    اهلا فيكي نورتي :)
    ما بعرف إذا جرأة او لأ بس عم بنجلط من اللي عم بسمعو ومن ناس شيوخ!! انو شو بأكدلهم انهم رح يروحوا الجنة حتى يحكموا على باقي الناس ؟ وشو حطهم بمرتبة الحكم على الغير ؟؟
    والقصة انو حتى بكل اللي كاتبتة الناس عم تفهم انوا انا محتارة مين بدو يروح الجنة ومين بدو يروح النار؟! صراحة انا مو محتاره ابدا كل واحد وعملة لأنو وهاد شي واضح وما بدوا حدا زكي يجاوب علية بس انه اللي انا بدي اياه انا الناس تبطل تحكي على حدا او تحكم على حدا مشان ما نشوه الأسلام ولا نظلموا
    وبالزبط اذا كان الصحابة خايفين من النار فعلى اي اساس بيجي واحد شيخ بحكيلك الامة الفلانية بتفوت النار لانهم بيحكو كذا او كذا او او انو هاد شي بعلم الغيب بالأخير في امرأة دخلت النار بقطة ورجل دخل الجنة بكلب!! انو القصد من هاد البوست هو انه نبطل نحكم على الناس ما بعرف اذا وصلت قصدي صح او لأ بس هاد اللي طلع
    وانا والله والله والله مؤمنة انه دينا جاء ليجب ما قبلة وانه صحيح لكن لأنه احنا بهمنا او لازم يهمنا انه الناس يدخلوا بالأسلام لازم نكون مناح وما نخوفهم من انهم يدخلوا ديننا زي ما حكيت لوسبر فوق لو حدا بدو يفوت الأسلام وباقي عيلتو ما بدها ما رح يهون علية انه هو يروح الجنة وعيلتو لا لانه الأنسان بضل عاطفي و بالتالي النشر لعبارات زي انو بس المسلمين رح يفوتوا الجنة رح تفروا او على الأقل رح تخلي يفكر اكتر ويحتار اكتر و فوق هاد كلوا انو اصلا هاي الأيات ما اجت إلا تطمين للمسلمين و مشان هيك اجت ايات اخرى تقول انوا ما تحكموا على الناس !! ولو كان في خير للأسلام انه نردد عبارات زي انو بس احنا بنروح على الجنة و .. الخ ما كان اجى الدين وقلك ما تحكم على حدا؟! الرسول كان يعرف مين هم المنافقين وما واجههم ولا حاربهم لأنه ما بدوا يحكم عليهم ويقولوا الناس ان محمد قتل اصحابة!! هاد وهو الرسول وكان بيعرف على الأكيد انهم منافقين
    فشو بالنسبة اللي بيحكمو على الناس انهم ما رح يروحوا الجنة مع انهم ما بيعرفوا شو اعمالهم ولا ولا .. الخ؟!

    ReplyDelete
  13. انا عارفه انك عم تنقلي صورة للاسف صورة قبيحه الكل اللي بيحكي هيك حكي عامل حاله ابن مالك !
    لكن الافضل انه الواحد يتجنب سماع هيك اشياء وتداولها لانه لما نتداولها نعملها حقيقه

    ReplyDelete
  14. whisper: الفيديو بدعم اللي حكيتوا انه الله عند المسيحية واليهود واحد
    عند المسيحية في مشكلة الثالوث اللي زي ما حكتلك فوق ما بتنفي انه الله واحد وانه هم نفسهم صعب عليهم يشرحوا هاد الشي بس بشكل عام هاد بيثبت اللي عم بحاول احكي هون انه اهل الكتاب مختلفين عن المشركين
    وانه إذا بندور بالقران الأيات اغلبها بتحكي عن انو اللي بياخد غير الأسلام دين بيفوت النار والكفر والمشركين بس اهل الكتاب الأيات اللي عنهم مختلفة ودايما متبوعة بشي زي الله يحكم بينهم يوم القيامة او فيما اختلفوا فية ... الخ
    و برجع بحكي انا ما عم بجزم انهم رح يروحوا الجنة او النار لانو انا ما بعرف لانة هاد علم غيب كل القصة انه انا بأعتقد انو احسن لديننا لو وقفنا احكام على الناس حتى نساعد بنشروا وانه لو وقفنا هاي طريقة الأحكام ما رح تكون حرام لانو اساسا في ايات كتير بتطلب منا انو ما نحك على حدا

    ReplyDelete
  15. مرحبا هناء سأعطيك رأيي في الموضوع وهو مطول لكن (اتحمليني) :
    أولا التساؤل الذي طرحتيه مقبول منك ويستحق النقاش والشرح، وبنبدا بالآية الصريحة اللي نزلت في هذا الموضوع: (ومن يبتغ غير الإسلام دينا فلن يقبل منه وهو في الآخرة من الخاسرين)... حتى الآية (إلا الذين تابوا من بعد ذلك وأصلحوا فإن الله غفور رحيم) (85)-(89)-آل عمرن..
    (يقول الإمام القرطبي: نزلت هذه الآية في الحارث بن سويد وكان من الأنصار ارتد عن الإسلام هو واثنا عشر معه ولحقوا بمكة كفارا فنزلت هذه الآيات، وأرسل يطلب التوبة وتاب وأسلم)

    ماالمقصد من وراء هذه المقدمة؟
    إن الآية نزلت في شخص عرف الإسلام وجربه وارتد عن الحق، اذا الشرط لتنال العقاب والنار أن تعرف الإيمان وتعرف الله حق معرفة ورغم ذلك تختار الكفر... ويوجد مثال آخر لذلك في قصة الوليد بن المغيرة والد خالد بن الوليد والذي قال فيه الله (إنه فكر وقدر، فقتل كيف قدر... سأصليه سقر)(18)-(26)-المدثر
    فهذا الشخص أعمل التفكير وعرف أن القرآن حق وليس سحر أوشعر بل هو كلام معجز ورغم ذلك كفر بالله فاستحق جهنم.

    إذا هل تشمل هذه الآيات الجميع؟ وهل من لم يعرف الإسلام مشمول؟ هناك من الناس من يعيش في أدغال إفريقيا والأمازون لا يعلمون شيئا ونحن المسلمون مقصرون وبشدة ولم نصل لهم ولم ندعوهم فهم يخرجون من دائرة هذا الحكم في الآيات وببساطة أمرهم إلى الله هو يحكم في أمرهم.

    لكن يجب أن لا نحكم أيضا أن الناس معذورون بكل بساطة فكل منا يملك عقلا مفكرا وبالتكيد كل الناس تسأل نفسها من ربي ولم خلقت وما الهدف من حياتي ومن أين جاء العالم الواسع، هؤلاء من لم يصل الإسلام الحق لهم لا بد أنهم فكروا كثيرا في انتماءاتهم وعقائدهم، ولأن الله عادل وحرم الظلم على نفسه فكان لزاما عليه هداية كل باحث عن الحق. والآية (إن الله يهدي من يشاء) فسرها بعض العلماء بأن المشيئة هنا تعود على الإنسان أي أن الله يهدي الإنسان الذي يشاء الهداية ويبحث عنها، وقد يصل الإنسان للإيمان الحق وربما قد لا يصل ولو مات باحثا عن الحقيقة فهو بالتأكيد في سبيل الله وأجره على الله، والله أعلم بالقلوب وسيغفر لهم بإذن الله.

    ReplyDelete
  16. كيالة : شكرا كتير على التفسير الحلو ولا طويل ولا شي :)
    هلأ انا معك بكل كلمة قولتيها 100 %
    بالأخير انا ما كان هدفي من هاد البوست اني احكي بيدخلوا او ما بيدخلوا النار هدفي انوا نوقف إطلاق الأحكام على الأشخاص والديانات ونشتغل على تحبيب وترغيب الناس في ديننا بدل من ترهيبهم
    يعطيكي العافية :)

    ReplyDelete
  17. مرحبا هناء
    أنا مكتشفة جديدة لمدونتك ، يا دوب من كام يوم :) الموضوع أثارني وكتبت تعليقا طويلا عريضا من يومين لكن يا خسارة ما زبط ينزل ، وها أنا أكتب ، والله أعلم يزبط هالمرة ينزل ولا لأ ، لهذا ساوجز ما كتبته سابقا بعدة ملاحظات
    _ الموضوعات الدينية عامة هي مثيرة للجدل ، ولكن ما ألاحظه أن الكثيرين (سواء من المسلمين أو أصحاب الأديان الأخرى) ذوي معرفة بسيطة بدينهم فما بالك بالأديان الأخرى ! لهذا أنا أفضل عادة أن يقوم بمهمة الحوار بين الأديان المختصون بها، أي العلماء ( ومع ذلك لم تفلح في كثير من الأحيان !!!)
    _أنا اتفق معك تماما في مسألة الحكم على مصير الإنسان في الآخرة لله تعالى فقط هو صاحب العلم والعدل المطلق في هذا الأمر ، لهذا ( واعذريني القول) أنك أخطات في الفقرة الثانية من تدوينتك _ في المثال الذي ذكرتيه_ ألم نتفق ان الحكم فقط لله تعالى؟!
    _أعتقد انه من الضروري جدا عند مناقشة أي موضوع جدلي ، معرفة المفاهيم ، مثلا ما مفهوم الإسلام؟ خاصة أن لفظ المسلمين لم يقتصر على أتباع الرسول محمد صلى الله عليه وسلم ، بل أنه لفظ من عهد الرسول ابرهيم عليه السلام"وما جعل عليكم في الدين من حرج ملة أبيكم ابراهيم هو سماكم المسلمين من قبل"
    وكذلك حواريو المسيح سموا أنفسهم مسلمين"وإذ أوحيت إلى الحواريين أن أمنوا بي وبرسولي قالوا آمنا واشهد بأننا مسلمون" وربما هذا يفسر قوله تعالى "إن الدين عند الله الإسلام" أي الخضوع والإستسلام لله تعالى وهذا يرتبط ارتاطا وثيقا بالإيمان وبوحدانية الله
    _ لهذا مسألة وحدانية الله هي الأساس ، لهذا كان موقف القرآن حاسما وواضحا تماما من مسألة التثليث "لقد كفر الذين قالوا إن الله ثالث ثلاثة" و
    "لقد كفر الذين قالوا إن الله هو المسيح بن مريم" وغيرها من الآيات الكريمة
    _ولأننا في مسألة المفاهيم ، فما مفهوم أهل الكتاب؟
    ما أعرفه وتحديدا عن المسيحية أن المسيحيين قد اختلفوا كثيرا حول طبيعة المسيح عليه السلام ، فمذهب اعتبره ذا طبيعة بشرية ( وأعتقد انهم المسيحيون الأوائل) ومذهب اعتبره ذا طبيعة بشرية والهية ، ومذهب اعتبره ذا طبيعة إلهية ( الكاثوليك)، وهذا مهم جدا في تحديد تعريف القرآن لأي قسم او عن أي مذهب يتحدث ( رواية عزازيل مثلا تتحدث عن ذلك الجدل والإنقسام بين التيارات المسيحية في القرون الأولى)
    _ عالمنا يموج بالأديان ( السماوية والأرضية ولا ننسى اللادينيين أو الملحدين) وأنا أعتقد ان في كل دين هناك من المتعصبين والمتطرفين من يحكم احكاما سيئة على الأديان الأخرى
    _ وللأسف هناك حملة تشويه ظالمة جدا للدين الإسلامي ، ونحن( أي المسلمين) نساهم بشدة في هذا التشويه ، لهذا انا أتفق معك تماما أنه بالسلوك الطيب والأخلاق الحسنة نعطي انطباعا حسنا عن ديننا ، على الأقل لا نكون منفصمي الشخصية!!!و
    وأخيرا انا لست داعية أيضا :) و
    كنت حابة أحكي كمان عن موضوع الجهاد الذي يساء فهمه ، بس تعبت من الكتابة ، كمان حتى لا تشعروا بالملل :) فهذا أول تعليق وهالقد طويل ! فما بالك بالثاني والثالث :) و
    وأعتذر مرة أخرى للإطالة الشديدة ( لكن غصب عني)
    تحياتي
    ماجدة

    ReplyDelete
  18. اهلا فيكي :) نورتي :)
    لا طولتي ولا شي بالعكس بستمتع بتبادل الأراء :)
    اول شي بحب اوضح انوا انا ما حكمت على حدا انا بس حكيت انوا ظلم انوا حدا يعمل كل شي منيح وما يفوت الجنة بس لأنو مسيحي او حدا بعمل كل شي سيء ويفوت النار بس لأنو مسلم وبتصور انوا الأغلب بتفق معي انو ظلم ولانو الله غير ظالم بل هو العدل العادل بتصور انو مو هيك الحساب لكني ما حطيت حكم وبالتالي انا ما حكمت و ثم بس حاولت اوضح انو في فرق بين اهل الكتاب والمشركين والكفار وهاد من خلال الأيات القراءنية
    اهل الكتاب: المسيحي واليهود
    المشركين : اللي بيعبدوا الله ولكن يعبدو معه اله اخر
    الكافر: هو لا يؤمن بوجود الله او الملحدين زي ما حكيتي
    بالنسبة للمسيحية وهي مجال للجدل انا درست لاهوت مسيحي ويهودي بس مو الاهوت الحديث المهم انا ما بنفي انوا عندهم مبدأ الثالوث لكن زي ما حكيت لويسبر انوا فكرة الثالوث لا تنفي الوحدة عند المسيحية وهاد الشي حتى بعض المسيحية لا يستوعبوا هذه النقطة نظرا لانوا شرحها صعب ومعقد و غير مقنعة بمعنى انو حتى اللي فاهمينها صعب يقتنعوا فيها وعشان هيك ما بتناقشو فيها في نقاشاتهم الدينة ومع هيك لا ادعي العلم بدينهم علم بالجزيئيات اي بكل شيء لكن الثالوث ورغم انو غير مقنع ورغم انوا اكيد كوني مسلمة ما بأمن في لكن لم ينفي الوحده والمهم بكل هاد الحكي انوا نحترم اهل الكتاب دام اننا نطالب بأحترام ديننا وشعائرنا
    فمثلا في مسلمات يقررن ارتداء الحجاب على المسيحيات من النساء على اساس انهم غير مسلمات وهاد الفعل يولد الحقد والضغينة عدا عن عدم وجود دليل عليه و الخ من التصرفات المماثلة مثل انو بعض المسلمين (بعض) مو الكل لا يردوا السلام على المسيحين لما يقولو السلام عليكم وبيفترضوا انو المسيحي لازم يقول هاي او مرحبا وانو السلام بس النا!!! الخ ما بدي اطول عليكي بس بدي اتأكد اني وصلت وجهة نظري
    سلام :)

    ReplyDelete
  19. ما حد فينا أرحم من الله بعباده،فبرأيي اتركيها لالله و ما تحكمي بهالموضوع حق ولا باطل،ما النا احنا البشر أي حق نقرر،حتى لو القران بيحكي مباشرة انه هدول حيفوتوا النار احنا ما النا ولا حدا فينا معه سجلّ باللي رايح عجهنم و ما بنعرف اذا هالناس ممكن يكونوا احسن منا بيوم من الايام

    ReplyDelete
  20. rain : exactly :) thanx :)

    ReplyDelete
  21. بصراحة ربنا هو اللي يحكم من يدخل و من لا يدخل جنته و ناره ظ، هي حنانه و نحن عباده و اذا كان حديث ما معناه ان عدد من المسلمين سيدخلون الجنة ، معتى هذا ان هناك فئات اخرى ستدخل
    و بعدين المهم ان الواحد يدخل ، ما خصني لو غيري دخل
    مرة سالت مامتي و هي شديدة الكراهية للصهاينة و تزرع ذلك فينا منذ الطفولة
    قلت لها: ماذا لو قيل لك ان شرط دخولك الجنة هو ان تسامحي شارون على ما اقترفه في حق المسلمين اتسامحي هذا اليهودي الصهيوني و تدخلي ان تثبتي على مبداك
    قالت: الجنة جنة الله و شارون عبده ، اسامحه و ادخل
    فقلت لها : ماذا لو قيل لك ان شرط دخولك الجنة هو زواجك من شارون
    فصرخت مستنكرة
    المهم رحت سالت حماتي نفس يالسؤال
    قالتلي: لا ما اسامحششارون
    و ادخل النار
    قلتلها : اذن اوعي تصغري نفسك امام ربنا و ترجعي في كلامك
    عالبركة سيبك من الجنة

    ReplyDelete
  22. yeah i'm with u model :) o ahla o sahla feke ya 2mr :)
    thanx :)

    ReplyDelete
  23. الأخت الفاضلة هناء

    هذا الموضوع يستحق التفكير و المراجعة وطبيعي ان يرد في ذهن الإنسان المسلم ولكن المشكلة ان يستغله الشيطان ليزعزع ثقة المرء بربه

    إستخدام آيات القرآن الكريم يجب أن يكون بحذر شديد، فلكل آية مناسبة نزول وقصة معينة وتفسير خاص ودلالات بها، فهنالك آيات خاصة وآيات عامة

    الدين الإسلامي دين التسامح والحب والدعوة عن طريق الحكمة والموعظة الحسنة ولنا في سيد الخلق محمد صلى الله عليه وسلم قدوة حسنة، فكم من القصص سمعنا عن تسامحه الشديد مع من آذاه وضربه وشتمه

    سوف اذكر لك قصة بسيطة تتعلق بما تتكلمي عنه
    ====أن رجلاً كان عابداً وكان يمر بشخص عاص لله ، وكلما مر به نهاه فلم ينته ، فقال ذات يوم والله لا يغفر الله لفلان – نسأل الله العافية – فهذا تحجر رحمه الله ؛ لأنه مغرور بنفسه فقال الله – عز وجل – " من ذا الذي يتألى علي ألا أغفر لفلان قد غفرت له وأحبطت عملك " قال أبو هريرة : ( تكلم بكلمة أوبقت دنياه وآخرته)
    ======
    فالعبرة من هذه القصة أننا لسنا من سوف يحاسب الناس على أعنالهم وافعالهم
    الله سبحانه وتعالى خلق عباده وهو أرحم بهم منا بل وهو أرحم من الأم بطفلها
    أقترح أن ننشغل بإصلاح أنفسنا قبل أن نبدأ في تحديد من سيذهب للنار ومن سيذهب للجنة

    ديننا واضح وصريح، من يتبع الله تعالى ويحمل صالحات يذهب للجنة ومن يعصه ويعمل سيئات سوف يذهب للنار، هذه القواعد العامة ولكن في نفس الوقت يجب أن يكون لدينا آيمان كامل بأن الله عادل لا يظلم من عباده أحد

    وفي النهاية دعي الخلق للخالق وأعملي ما عليكي تجاه ربك ودينك

    وأشكرك على طرحك لهذا الموضوع المميز وهدانا الله جميعاً للخير

    ReplyDelete
  24. مرحباً هنا شو الك فتره مش مبينه وينك شو صائر معك !!!!!

    ReplyDelete
  25. اهلا سوزان :) انت كيفك؟
    عنجد اني انبسطت بفقدتك الي :$
    بس اني عملت زي دايما وكومت الشغل فوق راسي لحد ما صار خلص لازم يخلص فأنشغلت وما لقيت وقت اتابع بس هلأ فضيت شوي مو كتير لألحق اللي راح علي ورح انشر شو اللي كان شاغلني لأنوا عندي اشياااء جاي عبالي احكي عنها بس ماخدة راحتي :P
    نورتي يا عسل :)

    ReplyDelete