Skip to main content

إذا كنت فتاة


إذا كنت فتاة .. أمعني التفكير قبل دخول أي مهنة حتى وأن كانت تعجبك.. فهناك مهن تأتي بالعرسان.. وهناك مهن تطير العرسان!!!
إذا كنت فتاة... إهتمي بجمالك بحيث ينتبه لك العريس ولا تثيري غيرة أمه.. أي كوني في الوسط بين القباحة والجمال!!
إذا كنت فتاة .. لا تضحكي بصوت عالي .. حتى وأن كانت ضحكتك عالية.. ليس لأنك محترمة.. بل حتى لا يطير العريس الذي قد يكون ينظر إليك في نفس اللحظة التي ضحكت فيها... وطبعا رح يبطل إذا أنت ضحكتي!!!!
إذا كنت فتاة.. يجب عليك تمثيل الخجل حتى وأن كنت ذات شخصية قوية وقليل جدا ما تخجلي .. معلش اعصري على حالك ليمونة واخجلي عند أبسط المواقف..
إذا كنت فتاة... خليكي هادية وراكزة.. لحسن بعدين أهل العريس يطفشوا إذا حسوا أنك طاقه

طبعا هاي نصائح الأم لبنتها.. وطبعا إذا البنت كانت "مطيعة" وسمعت الكلام .. تشكر الله إذاتزوجت قبل الــ 30 !!
لأنو شباب هاليومين غيرشكل عن شباب أيام زمان.. يعني إذا البنت ما بتضحك بيحكوا عنها نكده وبيطفشوا...وإذا كل شي بس بتبتسم عليه بيحكوا عنها باردة ما في شي بيضحكها..لازم تحسسوا انو دمو خفيف و تفقع ضحك على نكتوا الهبلة مشان يزبط كعريس!!!
وإذا كانت بتشتغل بشغل من تبعون أيام زمان.. يعني مس أو ممرضة مثلا.. بيحكوا عنها دقة قديمة ومعقدة و طبعا شو بدهم بهالشغلة!!!
أما بالنسبة للجمال فالمعايير اختلفت.. زمان كان الجمال بالتم "الفم" الصغير وعيون كبار...الخ بس هلأ وبعد عمليات التجميل ونانسي عجرم وهيفاء صار التم الصغير نقمة – الحمدالله على التم المليان-  وطبعا العيون الكبار ما عادوا دليل على الجمال...
أخيرا.... الخجل.. مم بطل يدل على شي...يعني إذا ما بتعرفي تردي أو تعلقي لأنك بتخجلي فهاد يعني هاليومين أنك " هبــلة" "  مش كول" مشا ن هيك أشطبي الخجل من قائمتك.. وهيك رح تزبط معك!!!
بقلم هناء احجول 


Labels

Labels:

Comments

  1. WhisperOctober 15, 2010 at 2:04 PM

    المشكله ان موضوع العريس بعض الاهالي بخلوه الموضوع الاهم و الهدف الاكبر في حياة البنت

    بتضل البنت بتحاول تكون مثال للعروس المحتمله لهالشب اللي قدامها, شو ممكن يحب بتعمله و بتتصف فيه بس علشان ترضيه و ما بين انتقالها بين المواصفات المختلفة لاختلاف اذواق العرسان بتصفي البنت بلا شخصيه وفاقده لهويتها الاصليه, بتصير هي ما تعرف حالها

    ReplyDelete
  2. hanaOctober 15, 2010 at 2:28 PM

    yeah sa7 o mshan hek ana 3m b7ki enu shbab hl yomen ma b7bo hay al aflam aly al ahl b7awlo y5lo al bnt t3mlha ..

    ReplyDelete
  3. AnonymousOctober 15, 2010 at 2:59 PM

    el tmseel akeeeeeed 56a2. L2no bl a5er kolo ra7 ybayn... O el 3ezaby aw el 3zba2 bedal a7sn mn el mo6alaqa aw mo6alaq.
    Sadeq jam3a.

    ReplyDelete
  4. Em OmmarOctober 15, 2010 at 10:51 PM

    راحت عليكي يا إم عمر

    ReplyDelete
  5. hanaOctober 16, 2010 at 11:59 AM

    lol umm omar - but i'm sure u have nice marrage life :)

    ReplyDelete
  6. Em OmmarOctober 16, 2010 at 10:39 PM

    خليكي متأكده
    انا قصدي كيف الواحد بده يحسب حساب لشغله والقصص الطرمه هاي عشان لمى يجي يتجوز يكون جاهز


    ف راحت على شبابك يا إم عومر

    ReplyDelete
  7. EuphoriaOctober 17, 2010 at 12:21 AM

    تعرفي انا بعرف بنات فعلا بعملوا هيك

    بتختار تخصصها ، وظيفتها ، لبسها ، مشيتها تحقيقاً بما يتوافق مع متطلبات العريس اللي حاطاه ببالها

    بستغرب و بستنكر بنفس الوقت
    انو بعد تجربتي انا قد ما ترسمي ملامح بنوته غيرك مصيرها تبان البنوته اللي جواكي
    بس و العكس صحيح الي صاحبه عفويه و كوول بطبيعتها لكن حزها مسخمه ما بيجيها الا عرسان تقليديتن
    النصيب غلاب يختي
    و العريس اللي بزبط على رأي ماما اعمى القلب مفتح العينين
    :)

    ReplyDelete
  8. naysanOctober 17, 2010 at 5:49 AM

    ممكن يزبط العريس مع التمثيل والتخطيط والادعاءات ,لكن لايمتى؟
    ح يجي الوقت اللي بدها تكون فيه على طبيعتها وساعتها ح تبدا الافلام والمشاكل والمعاناه

    كوني انتِ...وفقط

    ReplyDelete
  9. marwa joeOctober 17, 2010 at 10:01 AM

    hehehehe 7bet < nsa2e7 moheemeh ,,,
    ymkn 3rft sbb 3dm rjoo3 b3d el nas a7yanan ;)

    ReplyDelete
  10. hanaOctober 17, 2010 at 12:29 PM

    thanx all for ur comments :)
    and yeah it's always better to be just yourself l2nu hek r7 ta5di al shi aly bzbtlk blzbt bs meen yfhm!!!!!!!!

    ReplyDelete
  11. sheeshanyOctober 25, 2010 at 3:24 AM

    بهدلة ضمنية لشباب اليوم :/ ،،،، بنستاهل!
    :)

    ReplyDelete
  12. hanaOctober 25, 2010 at 11:04 AM

    b2der a7ki enu mo al kol l2nu lo 5lit 5rbt wela shu :)

    ReplyDelete
  13. UnknownOctober 29, 2010 at 10:08 AM

    متل ما حكت ويسبر

    بالآخر بتصفي البنت بلا شخصية
    وانو جد البنت اللي هي حالها بتلاقي اللي يحبها شو ما كانت
    انا بضل احكي دايما انو الحياه بتوسع الكل

    بس الناس بتفكر المسائل بشطارتها!!

    ReplyDelete
  14. sheeshanyOctober 29, 2010 at 11:44 PM

    معك حق
    :)

    ReplyDelete

Post a Comment

Popular posts from this blog

ابن العم بنزل بنت العم عن الفرس

ابن العم بنزل بنت العم عن الفرس منذ زمن طويل وهذا المثل منتشر بين العرب ويرددونه بأستمرار ويطبقونه وكنت أعتقدت أن مثل هذه الأمور قد توقفت مع إنتشار العلم في مجتمعنا إلا أنه منذ مدة ليست بالقصيرة تقدم عريس لخطبة إحدى صديقاتي وكان مناسبا وأعجبها فأتفقوا وحددوا موعدا لقراءة الفاتحة إلا أنه قبل موعد قراءة الفاتحة بيوم جاء أبن عمها وقال بأنه يريدها فقام الأب المتعلم برفض العريس وتزويجها أبن عمها! وهي الفتاه المتعلمه الحاصلة على شهادة الماجستيرلم تتلفظ بأي كلمة ولم تعترض على هذه الطريقة الرجعية في التفكير! دهشت من تصرفهم لكنني أخبرت نفسي أنه ربما لايزال هناك 1% في المجتمع من هؤلاء الناس لكن بعد ذلك سمعت إحدى الفتيات وهي تقول أن في عائلتهم تقليد هو أنه إذا جاء أحد لخطبتها يجب على والدها أن يتصل بالعائلة الكريمة لا لأخذ رأيهم بالعريس بل لسؤالهم أن كان هناك أحد من أبنائهم يريد الزواج بأبنته قبل أن يزوجوها لغريب! وكأن من الخطأ تزويجها لغريب! وهكذا توالت القصص على مسمعي مما جعلني أفكر كيف لمثل عادة كانت موجودة بين العرب ربما من الجاهلية تستمر وتبقى تطبق إلى الان رغم تقدم العالم وإنتشار ال...
1 comment
Read more

بالعامية مشان افش خلقي :(

ما بعرف كيف بدي ابلش أو شو بالزبط رح احكي بس على قولت ويسبر بلشي احكي والحكي بطلع... هلأ ما بعرف ليه في حدا ما بيعرفك كتير وعلاقته فيك مو قوية واصلا يمكن ما لتقيتوا غير كمن مرة بينعدوا على الأيد ممكن يحكي معك,يتصل فيك مشان يدخل بحياتك وينصحك لأ وينظر عليك وهو حياته كلها خربانه ومو زابطة... انوا اللي بيتو من قزاز ما يرمي الناس بحجار!! لأ وفوق هاد كلوا لما يروح يحكي من وراك .. يحكي انوا انت كنت مشوش ومو عارف تاخد قرار وهو كان بحاول يساعد وبدل ما يصلح الأمور أو حتى يتركها على حالها بخربها يعني متل ما بقولوا بزيدوا الطين بله!! انوا ليه؟؟ هلأ يمكن الحكي مبهم او مو كامل بس عنجد بس بدي افش خلقي .. أنوا ليه؟! شو بيستفيدوا هدول الناس؟! شو بالنسبه يعني مفكرين حالهم مسؤولين عن الكوكب؟!! انو ما حدا طلب رأيهم أو مساعدتهم !!
13 comments
Read more

التسامح و أثره على جمالك و طاقتك

التسامح و أثره على جمالك و طاقتك الخيانة, العنف و الكذب و غيرها من الأمور التي قد تكوني آُذيتِ منها مسبقا و يصعب عليك مسامحة الطرف المتسبب بأذيتك أو تنظرين للموضوع على أنهُ لا يستحق المسامحة إلا أنهُ من المهم معرفة أثر التسامح عليكِ حتى يصبح ممكناً و سهلا. 1.       التسامح يفيد القلب أكدت دراسة نُشرت في جريدة behavior medicine أن التسامح مرتبط بضغط الدم و عضلة القلب و التخلص من التوتر و بالتالي مسامحة من إذاك مفيد لقلبك وصحتك و طاقتك الإيجابية. 2.     عدم التسامح يولد طاقات سلبية كما الطاقات السلبية المتولدة من الحديث سلبي سيئة لمزاجك كذلك الطاقات السلبية من عدم المسامحة مضره لمزاجك و إيجابيتك كما أن هذا النوع من الطاقة السلبية يؤدي إلى اضطرابات النوم. 3.     التسامح يؤثر بالنفس كعمل خيري تطوعي في دراسة نُشرت في مجلة "الشخصية و علم النفس" أكدت أن الطاقة الإيجابية المتولدة من مسامحة من أذاك قوية مثل الطاقة الإيجابية من الأعمال الخيرية. 4.     التسامح يحسن علاقتك الزوجية عندما تشعرين با...
2 comments
Read more