إذا كنت فتاة .. أمعني التفكير قبل دخول أي مهنة حتى وأن كانت تعجبك.. فهناك مهن تأتي بالعرسان.. وهناك مهن تطير العرسان!!!
إذا كنت فتاة... إهتمي بجمالك بحيث ينتبه لك العريس ولا تثيري غيرة أمه.. أي كوني في الوسط بين القباحة والجمال!!
إذا كنت فتاة .. لا تضحكي بصوت عالي .. حتى وأن كانت ضحكتك عالية.. ليس لأنك محترمة.. بل حتى لا يطير العريس الذي قد يكون ينظر إليك في نفس اللحظة التي ضحكت فيها... وطبعا رح يبطل إذا أنت ضحكتي!!!!
إذا كنت فتاة.. يجب عليك تمثيل الخجل حتى وأن كنت ذات شخصية قوية وقليل جدا ما تخجلي .. معلش اعصري على حالك ليمونة واخجلي عند أبسط المواقف..
إذا كنت فتاة... خليكي هادية وراكزة.. لحسن بعدين أهل العريس يطفشوا إذا حسوا أنك طاقه
طبعا هاي نصائح الأم لبنتها.. وطبعا إذا البنت كانت "مطيعة" وسمعت الكلام .. تشكر الله إذاتزوجت قبل الــ 30 !!
لأنو شباب هاليومين غيرشكل عن شباب أيام زمان.. يعني إذا البنت ما بتضحك بيحكوا عنها نكده وبيطفشوا...وإذا كل شي بس بتبتسم عليه بيحكوا عنها باردة ما في شي بيضحكها..لازم تحسسوا انو دمو خفيف و تفقع ضحك على نكتوا الهبلة مشان يزبط كعريس!!!
وإذا كانت بتشتغل بشغل من تبعون أيام زمان.. يعني مس أو ممرضة مثلا.. بيحكوا عنها دقة قديمة ومعقدة و طبعا شو بدهم بهالشغلة!!!
أما بالنسبة للجمال فالمعايير اختلفت.. زمان كان الجمال بالتم "الفم" الصغير وعيون كبار...الخ بس هلأ وبعد عمليات التجميل ونانسي عجرم وهيفاء صار التم الصغير نقمة – الحمدالله على التم المليان- وطبعا العيون الكبار ما عادوا دليل على الجمال...
أخيرا.... الخجل.. مم بطل يدل على شي...يعني إذا ما بتعرفي تردي أو تعلقي لأنك بتخجلي فهاد يعني هاليومين أنك " هبــلة" " مش كول" مشا ن هيك أشطبي الخجل من قائمتك.. وهيك رح تزبط معك!!!
بقلم هناء احجول
المشكله ان موضوع العريس بعض الاهالي بخلوه الموضوع الاهم و الهدف الاكبر في حياة البنت
ReplyDeleteبتضل البنت بتحاول تكون مثال للعروس المحتمله لهالشب اللي قدامها, شو ممكن يحب بتعمله و بتتصف فيه بس علشان ترضيه و ما بين انتقالها بين المواصفات المختلفة لاختلاف اذواق العرسان بتصفي البنت بلا شخصيه وفاقده لهويتها الاصليه, بتصير هي ما تعرف حالها
yeah sa7 o mshan hek ana 3m b7ki enu shbab hl yomen ma b7bo hay al aflam aly al ahl b7awlo y5lo al bnt t3mlha ..
ReplyDeleteel tmseel akeeeeeed 56a2. L2no bl a5er kolo ra7 ybayn... O el 3ezaby aw el 3zba2 bedal a7sn mn el mo6alaqa aw mo6alaq.
ReplyDeleteSadeq jam3a.
راحت عليكي يا إم عمر
ReplyDeletelol umm omar - but i'm sure u have nice marrage life :)
ReplyDeleteخليكي متأكده
ReplyDeleteانا قصدي كيف الواحد بده يحسب حساب لشغله والقصص الطرمه هاي عشان لمى يجي يتجوز يكون جاهز
ف راحت على شبابك يا إم عومر
تعرفي انا بعرف بنات فعلا بعملوا هيك
ReplyDeleteبتختار تخصصها ، وظيفتها ، لبسها ، مشيتها تحقيقاً بما يتوافق مع متطلبات العريس اللي حاطاه ببالها
بستغرب و بستنكر بنفس الوقت
انو بعد تجربتي انا قد ما ترسمي ملامح بنوته غيرك مصيرها تبان البنوته اللي جواكي
بس و العكس صحيح الي صاحبه عفويه و كوول بطبيعتها لكن حزها مسخمه ما بيجيها الا عرسان تقليديتن
النصيب غلاب يختي
و العريس اللي بزبط على رأي ماما اعمى القلب مفتح العينين
:)
ممكن يزبط العريس مع التمثيل والتخطيط والادعاءات ,لكن لايمتى؟
ReplyDeleteح يجي الوقت اللي بدها تكون فيه على طبيعتها وساعتها ح تبدا الافلام والمشاكل والمعاناه
كوني انتِ...وفقط
hehehehe 7bet < nsa2e7 moheemeh ,,,
ReplyDeleteymkn 3rft sbb 3dm rjoo3 b3d el nas a7yanan ;)
thanx all for ur comments :)
ReplyDeleteand yeah it's always better to be just yourself l2nu hek r7 ta5di al shi aly bzbtlk blzbt bs meen yfhm!!!!!!!!
بهدلة ضمنية لشباب اليوم :/ ،،،، بنستاهل!
ReplyDelete:)
b2der a7ki enu mo al kol l2nu lo 5lit 5rbt wela shu :)
ReplyDeleteمتل ما حكت ويسبر
ReplyDeleteبالآخر بتصفي البنت بلا شخصية
وانو جد البنت اللي هي حالها بتلاقي اللي يحبها شو ما كانت
انا بضل احكي دايما انو الحياه بتوسع الكل
بس الناس بتفكر المسائل بشطارتها!!
معك حق
ReplyDelete:)